June 2018 – 香港可再生資訊平台

【💪🏼人力發電🚴🏼‍♂️得唔得🏋🏻‍♂️】

成日有人問，人力發電可唔可行？不如變身做老師，教識下大家條數點計😝

平時大家做運動，都會消耗卡路里，行樓梯15分鐘大約可以消耗150大卡(kcal)，假設全部都能夠轉化為電力，大約等於 0.174度電(kWh)，換句話行夠個半鐘，應該夠一度電，盛為$5！

台灣可再生能源政策，以太陽光電為例，除補助民間設置，提供最高新台幣15萬元/峰千瓦、不逾總設置費用50%之補助款外，經濟部能源局並推動「陽光電城」、「陽光經典建築」等大型公部門示範設置案。

民間更催生一些機構，集合群眾的空間資源（如私人天台、平台、空地）安裝太陽能發電設施售電，並負責定期維修，以售電利潤當中的 10-20% 回饋借出空間的客戶。

香港 10月開始，市民可以用可再生能源發電向電力公司出售，會否出現類似台灣的機構集眾之力推動可再生能源應用，大家拭目以待！

#香港可再生

點解啲太陽能板咁多白色一撻撻嘅？
吓～係雀屎😱 有菌㗎喎⋯⋯

🎼在美麗林蔭深處鳥聲在慢慢轉～

有山、有水、有雀、有太陽能板，個水塘睇落好正喎⋯⋯咪住！

雖則太陽能板唔會有禽流感，但一篤雀屎留响板上面，遮住其中一塊太陽能晶片，降低嗰塊晶嘅發電量。咪以為呢60份之一嘅發電量唔重要，佢唔單止影響單一塊板嘅發電量，而且會影響整串以串聯方式接駁嘅太陽能板，即係嗰全串都會少1.67%輸出！只係一篤就攪成咁，多幾篤咪大X鑊！

更麻煩係嗰塊畀雀屎遮住嘅太陽能晶片，响太陽能板發電時會變成電阻發熱，溫度可以上升幾十度，長久會影響太陽能板壽命！小編幾年前曾在香港工程師學會的座談會中發表相關太陽能板被遮蓋的研究文章，當時曾量度到比太陽能板未遮蓋部份升高超過40度，夠熱煎蛋！

仲麻煩啲係啲雀屎積聚咗响太陽能板邊，侵蝕鋁框，降低防水效能，進一步影響太陽能板壽命！

唔想倒錢落水，您識點做啦！

更多有關雀鳥對太陽能板影響嘅資訊可參考以下連結🔗

http://cleansolar.solutions/effect-of-bird-droppings-on-solar-panel

#香港可再生