Category: 實戰編

唔裝避雷 – 光伏板變炸彈

忽略避雷設計．光伏板在雷暴下隨時變炸彈

忽略避雷設計．光伏板在雷暴下隨時變炸彈

香港很多太陽能系統設置於天台，而政府剛剛公佈的指引中更將村屋一類樓宇安裝光伏板的高度限制放寬至2.5米，鼓勵更多市民安裝。唯村屋的避雷系統，過往不被重視，設計及安裝光伏板時忽略避雷設計，光伏板在雷暴下隨時變炸彈。

一般村屋圍牆只有4呎 (1.22米) 高，而天台樓梯頂篷亦只有7呎 (2.14米) 高，通常會安裝銅帶圍繞天台以作引雷之用 (避雷帶網絡)，也會有設計安裝避雷針，但更多村屋是沒有安裝。過往就有村屋未做好避雷設計而受雷擊，導致嚴重破壞：

http://s.nextmedia.com/apple/a.php?i=20100508&sec_id=4104&s=0&a=14008969

現在安裝光伏板的高度限制放寬至2.5米及至樓梯頂篷以上1.5米，這些光伏板支架多是由金屬結構組成，而且比原先建築更高，在雷暴下更加容易受到雷擊。

所以在設計及安裝光伏板時，必須要求承辦商重新設計避雷系統。除了保護支架和光伏板外，更要在電路上做好保護，安裝合適的避雷器 (Surge Arrester)，預防受雷擊後雷電經電線散走做成破壞。

但安裝時做好以上措施也不足夠，與其他設備一樣，避雷設施需要定時保養，確保有效運作，建議在每年三月雨季前進行詳細檢查，並在強雷雨後檢查設施有否被雷暴損壞，以策萬全。

上網電價計劃 – 學校天台裝唔裝得？

最近有校長查詢，想知道學校天台可唔可以安裝太陽能光伏系統、或者風力發電系統，參加上網電價計劃？

校長相信安裝系統後，除咗可以推動環保之外，亦可以作為 STEM 教材，賺到嘅電費更可以津貼學校開支，一舉多得。

根據上網電價計劃，學校係可以參加，同其他市民、團體無異。但小編提醒各校長，以下三點要注意：

  1. 不是每一間校舍都屬學校所有，即學校如果需要加建設施，要先得業主同意，以免日後有爭議。
  2. 發電系統同附近位置嘅安全設計，應考慮日後學生到天台參觀實習時嘅需要。
  3. 安裝發電系統後唔應該影響附近居民，例如太陽能板嘅反光、風力發電機嘅噪音等。

總括而言，只要計劃前諗清楚，同各方協調好，聘任合資格承辦商，學校參加上網電價計劃一樣冇難度。

  • 若機構或團體有興趣索取「PV Systems in Hong Kong – Good and Best Practices」講議簡介或安排技術交流活動，歡迎與我們聯絡 。

裝板3000W 收足錢有幾多個？

有市民向我們查詢，他家剛裝了太陽能光伏板，怎樣才能知道承辦商有冇「呃秤」？

所謂「呃秤」，即是發電量不及承辦商的預期。遇到懷疑被「呃秤」，市民一般會向承辦商查詢，負責任的承辦商在保養期內會安排檢查，查找原因。

發電量不足，原因可以歸納為三類：外在因素、設備故障、設計錯誤。

外在因素

天氣不似預期時有發生，天文台網站有詳細太陽總幅射量資料和與歷史平均值比較，列在「每月天氣摘要」，只要上網一查就很容易就知道。

另一種外在因素，就是太陽能光伏板被遮蓋，可能是吹來的衣物、膠袋，以至沙塵積聚。只要平常檢查清理，就可以預防。

設備故障

任何設備都會有機會故障，除了定期保養以外，在選購設備時，可選擇較著名的品牌，質量有所保證。現在互聯網資料發達，只要在網上搜尋器輸入「PV panel ranking」、「PV inverter ranking 」，就可以知道龍定鳳！

設計失誤

最常見的設計失誤就是匹配失當 (mismatch)，太陽能光伏板的排列必須要與光伏逆變器匹配，無良商人為了賺取更多，只將設備湊合夠數交貨，漠視失配，這種情況以往常有發生。市民沒有專業知識，難以發現。

在 11月中，我們將會有一個「可再生茶聚」活動，以小組形式，分享太陽能發電的基本知識，探討常見問題，歡迎公眾報名參加。可再生茶聚 RenewHK Cafe

活動以小組形式，向公眾分享上網電價計劃，太陽能發電的基本知識，探討常見問題，費用全免：

日期：2018年11月13日（星期二）
時間：晚上 8 時 至 10時
地點：佐敦（詳細地址在報名確認後提供）

費用：免費（報名按金 $100元，出席全數退回；缺席者不獲退款，按金作茶聚用途）

參加方法：請以「參加可再生茶聚」為題，提供姓名及聯絡方法，電郵至

上網電價計劃 慎防投資騙局

Avoid Investment Fraud

十月一日，中電的上網電價計劃正式開通，港燈的亦將會於明年一月一日實施。近日更有報章報道介紹參與上網電價計劃每年回報可達20厘*，收益非常可觀。

一直有留意我們網站的讀者都會知道，如果要參與計劃，除了直接聘請承辦商安裝太陽能發電系統以外，亦可以出租天台或平台給承辦商安裝系統，與承辦商攤分收益。現在更有公司與財務機構合作，為業主提供貸款安排，業主可向財務機構貸款，投資安裝太陽能發電系統，賺取回報。

聰明的讀者都會即刻想到有問題：業主向財務機構貸款十數萬至數十萬，假若委託的承辦商無法交付，又或所交付的系統產電量不合符預期，業主就會無法得到預算回報，分分中變成負債，結果得不償失。

所以業主在借貸前要清楚了解自己的財政狀況、承辦商的信譽、和太陽能發電設備的可靠性，還要評估自己的還款能力，以及避免過度借貸。債務纏身足以造成長期負擔，貸款前必須三思而後行。

* 【上網電價】安裝費$20萬 年賺20厘 投資太陽能掀熱潮 – 蘋果日報

租出天台安裝太陽能板，係咪真係咁好賺？

5月去台灣時，曾經向大家介紹過有台灣公司借用當地大廈天台安裝太陽能板，發電出售，與住戶分紅；現在香港也有公司推出類似計劃，亦在一個市區居屋屋苑安裝近千塊太陽能板，預料每年售電有百萬回報。

不評論這個安排的回報計算是否合理，這個安排在運作上是有一定效益。首先，業主們不需要再為安排保養和商業登記等籌謀；再者，由於太陽能設備是屬於該公司，日後的故障維修，以至保險安排，全可以照顧到；而最重要是，業主們只是付出一個長年上鎖的大廈天台，就算發電效果未如理想，業主們沒有大損失，因為設備投資是由該公司負擔；這個安排的確能夠便利業主。

但有些地方要注意，萬一受委託的公司倒閉，業主們就要處理善後安排，例如將天台還原；又或者當出現第三者意外，受委託的公司未能處理相關申索及責任補償，業主們亦需要承擔，所以最好在決定前要求該公司妥善交待。

最後業主們都要留意，租出住宅天台作商業用途（售電）是存在灰色地帶，因為可能已違反政府租契及大廈公契當中所列對土地使用的規限。

2018年9月28日 經濟日報：居屋天台加裝太陽能板　料年賺百萬可幫補管理支出

https://topick.hket.com/article/2170573?r=cpstni

【想裝板賺錢💰💵💰點搞❓🤷🏿‍♂️❓】

可再生能源發電系統擁有人的責任你要知😲

咪以為裝好曬又掛好錶就可以坐定定等收錢！錢邊有咁易賺丫😱

以下係機電署建議嘅，安裝後可再生能源發電系統擁有人的責任：

  • 當可再生能源發電系統正常操作後，擁有人應為發電系統安裝檢測電錶。如電力公司提出要求，擁有人應定期（例如每兩個月）向電力公司提供系統的電力輸出資料。電力公司亦可能會安裝檢測電錶，以監測系統的電力輸出量。
  • 建議安排註冊電業工程人員定期檢查可再生能源發電系統。擁有人可以考慮《電力條例》下《電力（線路）規例》就固定電力裝置訂定的規定，作出相類的檢查安排。建議擁有人向電力公司提交相關的檢查證明書及核對表。
  • 電力公司或會派員進行實地巡查，並要求擁有人就其可再生能源發電系統的操作進行核證測試。因此，電力公司可能要求擁有人安排其工作人員進入有關場地和提供測試結果。
  • 擁有人須編製一本操作及維修保養手冊，記錄操作及維修保養可再生能源發電系統所需的一切程序，包括所有保護設定值及測試結果。該手冊內有關與電網接駁的操作程序細節，應獲得擁有人及電力公司雙方同意。該手冊應定期予以檢討，並在有需要時作出修訂。
  • 如可再生能源發電系統的額定功率有所更改或發電系統曾經改裝，擁有人應通知電力公司。此外，當可再生能源發電系統解除運作時，亦須知會電力公司。

資料來源：香港機電工程署 [可再生能源發電系統與電網接駁技術指引]

【想裝板賺錢💰💵💰點搞❓🤷🏿‍♂️❓】

點嘅天台先至啱(下集)

飛：師父，啲板裝响天台，我哋落嚟有乜好睇呀？
師：你諗住做無線電呀？睇咗啲板嘅位，都要諗點駁去電網，先可以賣電㗎！…
飛：我知，除咗裝板，仲要裝逆變器、開關掣、隔離變壓器、仲有電錶箱嘛。
師：知你仲問！
飛：但係我哋嚟地下個電掣房做乜呀？
師：做乜？𠵱家淨係你識裝太陽能呀！我落嚟係要睇兩樣嘢，除咗睇下有冇行家响其他地方裝咗板，仲要睇下個掣頭夠唔夠rating，因為新加嘅系統會令故障水平 fault level 提高，所以就算有位，都唔可以無限量咁裝㗎！
飛：故障水平我有讀過呀～但係點知有冇行家裝咗板呀？
師：如果裝咗板，電掣房張電圖會畫出嚟，而且仲有個 label 貼响個掣頭，望清楚就知道啦！
飛：我明白喇！多謝師傅🙇🏽‍♂️

#香港可再生

【想裝板賺錢💰💵💰點搞❓🤷🏿‍♂️❓】

點嘅天台先至啱(上集)

機會嚟喇飛雲～～

飛：師父，呢個天台啱曬…………龍…神…

師：龍您個頭呀🤜🏼😵🤛🏼
師：你睇，個天台咁多嘢，又枱又櫈又冷氣，仲有圍場，點裝板呀？🤬
飛：咁點算呀😱
師：同我攞個羅庚出嚟！
飛：師父，羅庚…………但我哋唔係嚟睇風水喎😦
師：裝板，同睇風水一樣，先要分好東南西北😎只要東南西冇遮冇擋，咁就冇問題喇👍🏼
飛：我明白喇…………師父，呢邊有嘢遮擋喎，係咪收得工喇😀
師：👍🏼
飛：好嘢！收工！
師：收你條命呀👺咪阻住我，你估我做個👍🏼係讚你醒呀！我响度度緊位！
師：只要啲遮擋物唔畀我👍🏼遮住，咁都可以有足夠陽光，可以裝板。
飛：但係人哋啲專家要用部360相機又用PROGRAM先計到，師父你用手就得🙀
師：你老豆生你對手淨係用嚟打機㗎！伸直隻手畀個👍🏼，手指尾同拇指指尖正好15º，即係太陽一個鐘移動嘅距離，只要多練習，根本連👍🏼都唔洗，我正話都係做畀你睇咋！
飛：🤩巧健呀…………咁睇完係咪走得喇？
師：走你條命呀！😡跟我嚟，仲未睇完呀，𠵱家只係睇咗夠唔夠陽光發電，仲有好多嘢未睇㗎！
飛：……………………😞係，師父

#香港可再生 x #魔神英雄傳30周年

【想裝板賺錢💰💵💰點搞❓🤷🏿‍♂️❓】

點搵師傅

係咪隨街搵個師傅就可以裝太陽能板？緊係唔得啦！

又要搵電力公司、機電署、屋宇署……

你想一站式搵師傅幫你由申請、安裝到接網一次過搞掂，機電署呢張名單幫到你：

http://re.emsd.gov.hk/…/goth…/files/REInstallation_Apr18.pdf

【想裝板賺錢💰💵💰點搞❓🤷🏿‍♂️❓】

七步成電

有讀者話我哋以往啲文章堅離地🕴🏼今次就貼地啲，教大家點搞💪🏼

…

如果大家想裝太陽能板賺錢，記得以下七步 👣：

👣 搵師傅睇位，做初步平估
👣 獲取設計草圖、售電估算同報價，如有需要，查核大廈公契及徵詢業主立案法團同意 👩🏻‍🏫👨🏻‍🏫
👣 確認報價，聘任師傅
👣 委託師傅向電力工司申請售電，如有需要，向屋宇署申請安裝入則
👣 獲得同意後，開展工程
👣 完成工程後，檢查師傅有冇按電力條例註冊為註冊發電設施、呈交完工證明書🙈，如有入則，須依例呈交屋宇署和消防處 😵
👣 上報電力公司安排測試驗收，擇日裝電錶接網售電⚡️

咪先！仲漏咗樣，就係「商業登記」😱 ⋯⋯𠵱家仲未豁免㗎😵

想知更多可以瀏覽以下機電署網址，或緊貼我哋 #香港可再生

http://re.emsd.gov.hk/tc_chi/fit/ri/fit_ri_g.html