今日 (2018年10月15日) 機電工程署推出《太陽能光伏系統安裝指南》，當中載列了於新界豁免管制屋宇（簡稱「村屋」）的天台安裝該等系統的詳細規定。詳情可以參閱以下新聞公報：
https://www.info.gov.hk/gia/general/201810/15/P2018101500532.htm
如欲進一步了解安裝太陽能光伏系統的事宜，歡迎瀏覽機電工程署「香港可再生能源網」。
Category: 資訊編
與機電署分享太陽能應用經驗
上星期四 (10月4日)，我們獲邀與機電工程署同事們分享有關太陽能應用的經驗。在兩個多小時的交流中，探討了多項有關技術應用、市場發展、作業標準等議題，彼此獲益良多。
若機構或團體有興趣索取講議簡介或安排技術交流活動，歡迎與我們聯絡 。
上網電價計劃 慎防投資騙局
十月一日，中電的上網電價計劃正式開通，港燈的亦將會於明年一月一日實施。近日更有報章報道介紹參與上網電價計劃每年回報可達20厘*，收益非常可觀。
一直有留意我們網站的讀者都會知道，如果要參與計劃，除了直接聘請承辦商安裝太陽能發電系統以外，亦可以出租天台或平台給承辦商安裝系統，與承辦商攤分收益。現在更有公司與財務機構合作，為業主提供貸款安排，業主可向財務機構貸款，投資安裝太陽能發電系統，賺取回報。
聰明的讀者都會即刻想到有問題：業主向財務機構貸款十數萬至數十萬，假若委託的承辦商無法交付，又或所交付的系統產電量不合符預期，業主就會無法得到預算回報，分分中變成負債，結果得不償失。
所以業主在借貸前要清楚了解自己的財政狀況、承辦商的信譽、和太陽能發電設備的可靠性，還要評估自己的還款能力，以及避免過度借貸。債務纏身足以造成長期負擔，貸款前必須三思而後行。
【Optimizer 係啲乜？冇咗佢又得唔得？】
簡單的太陽能發電系統通常包括三大元件：太陽能光伏板、逆變器、和接網開關總掣及保護設施。近年，不少出名的生產商有都出售一件叫 Optimizer 的設備，中文叫作光伏優化器，聲稱可以提高太陽能發電效能。到底這件光伏優化器是怎樣運作？值唔值得買呢？
如何運作？
光伏優化器是安裝於太陽能板後接端的黑色盒子，這個黑色盒子內藏電子零件，調節太陽能板的電壓，確保輸出的電壓是合乎逆變器的 MPPT (Maximum Power Point Tracking 最大功率點追踪)，減少失配，為系統提升5%以上的效能。
[圖] 著名逆變器生產商都有生產光伏優化器 Optimizer
其實太陽能板和逆變器失配的原因有很多，首先每塊太陽能板出廠時的輸出電壓都有些微差別，而隨著運作年期，每塊太陽能板的老化情況亦不一，這些都會導致失配。另一個主要原因係因為 Partial Shading 遮陰效應，天有不測之風雲，一舊雲、一隻雀、一件衫，只要遮蓋到部份太陽能板，就會令太陽能板電壓輸出降低，安裝光伏優化器就可以減低影響。
值唔值？
要計唔難，一套 3,000W 的太陽能系統，每年大約輸出 3000度電，輸出增多5%，即係 150度，以每度電 $5計，可以賺多 $750。照計以每件光伏優化器大約 $500，只要數年就可以回本。而且有些光伏優化器設有快速斷電設計，乎合美國 NEC2017 標準，萬一火警發生亦可以將有電的線路減到最短，提升系統安全性，所以整體來說亦是值得加裝。
【微型電網與可再生能源】
微型電網與可再生能源
近日有前輩與小編討論有關 微型電網 (微網 Microgrid) 的課題，研究在港應用的可行性。發展區域微網，可以更有效利用可再生能源發電設施和蓄能設施，並能與主電網相互補足。
其實微網並非新名詞，在各大專院校多年來都有相關研究，甚至用作大學生的畢業論文題目，唯獨一般市民鮮有接觸。
國際對微網有不同定義，但綜合來說，微網包含以下元件：
1. 發電設施
2. 蓄能設施
3. 調控系統及區域輸配電網
4. 用戶群
微網的設計原則是自給自足，利用微網內的發電設施，透過輸配電網，供應區域內用戶群的日常所需。現今在微網中多數採用可再生能源發電設施，例如利用太陽能、小型風能、社區型廚餘等產電，以達致更低碳排放效果。可再生能源的產電量會受實際天氣及其他因素影響，用戶群每分每秒的用電量亦無法準確預測，發電與用電的差額就要靠微網內的調控系統和蓄能設施以確保穩定供電。
獨立運作的微網能為社區提供更潔淨的電力供應，世界各國進而研究利用連接微網相互補足主電網，以提高穩定性和可靠性。因為微網內設有發電設施和蓄能設施，難免會有產能過剩或不足的情況，透過與主電網的連接，主電網就可以吸納或補充，令雙方各有裨益。而且當微網發展成熟，數量增加，集腋成裘所能發揮出的相互補足能力更是不容忽視。
隨着上網電價計劃於今年 10月在香港實行，將會有更多可再生能源發電設施逐步安裝連接主電網，假以時日在香港發展微網亦不再是明日黄花的事情。
【想裝板賺錢💰💵💰點搞❓🤷🏿♂️❓】可再生能源發電系統擁有人的責任你要知😲
咪以為裝好曬又掛好錶就可以坐定定等收錢！錢邊有咁易賺丫😱
以下係機電署建議嘅，安裝後可再生能源發電系統擁有人的責任：
- 當可再生能源發電系統正常操作後，擁有人應為發電系統安裝檢測電錶。如電力公司提出要求，擁有人應定期（例如每兩個月）向電力公司提供系統的電力輸出資料。電力公司亦可能會安裝檢測電錶，以監測系統的電力輸出量。
- 建議安排註冊電業工程人員定期檢查可再生能源發電系統。擁有人可以考慮《電力條例》下《電力（線路）規例》就固定電力裝置訂定的規定，作出相類的檢查安排。建議擁有人向電力公司提交相關的檢查證明書及核對表。
- 電力公司或會派員進行實地巡查，並要求擁有人就其可再生能源發電系統的操作進行核證測試。因此，電力公司可能要求擁有人安排其工作人員進入有關場地和提供測試結果。
- 擁有人須編製一本操作及維修保養手冊，記錄操作及維修保養可再生能源發電系統所需的一切程序，包括所有保護設定值及測試結果。該手冊內有關與電網接駁的操作程序細節，應獲得擁有人及電力公司雙方同意。該手冊應定期予以檢討，並在有需要時作出修訂。
- 如可再生能源發電系統的額定功率有所更改或發電系統曾經改裝，擁有人應通知電力公司。此外，當可再生能源發電系統解除運作時，亦須知會電力公司。
資料來源：香港機電工程署 [可再生能源發電系統與電網接駁技術指引]
【想裝板賺錢💰💵💰點搞❓🤷🏿♂️❓】保險保唔保？
最近有👨🏻🏫業主立案法團👩🏻🏫搵小編，有關安裝太陽能板嘅保險問題。我雖然係可再生能源專家，但保險嘅嘢，緊係要搵番專業人士👨🏻💼問清楚。
一般住宅🏘可能有買家居保險，大廈🏢管理公司亦會為公眾地方購買公眾責任保險，同公共產業保險。以上嘅保險對新加嘅太陽能板雖然未必唔唔包，但一般都要响安裝前通知保險公司，重新評估保費同保障函蓋範圍。
有一點要留意，有啲公司會向業主租用天台安裝太陽能板，由於太陽能系統設施唔屬於大廈或者業主，😈保險細節😈更複雜😱，簽訂租借協議前一定一定一定要問清楚！
#香港可再生
【美瑛町的太陽光発電】
嚟到日本北海道美瑛，唔只睇靚花
🌼、食好西
🍱，小編都有了解下呢度嘅太陽能發電情況。
响北海道，除咗上網售電外，唔同嘅市、町都有優惠制度，協助住戶安裝太陽能發電設備。以美瑛為例，每 1千瓦發電量嘅太陽能設備，就可以有3萬5千円嘅補助（折合港幣約$2,500），最高10萬5千円。
😱吓～咁少，一皮嘢都冇，响香港裝部冷氣都唔夠啦！
係㗎，填兩張表，有錢收，係值咁多咋！响呢度，土地唔係太大問題，雖然有雪，但冇勁颱風，個支架唔洗落重料，大家要知道，响香港，淨係個架已經佔你4-6成嘅費用，如果計埋地價，真係天文數字！
講多樣嘢你知，唔單止住戶，北海道對企業安裝可再生能源設施都有補助。而响旭川，仲將補助延伸至可再生能源設備供應商，以稅務優惠、土地費減免、聘用顧員獎金等推動業界發展。其實香港係咪都可以學一下呢？
🤔
【想裝板賺錢💰💵💰點搞❓🤷🏿♂️❓】點嘅天台先至啱(下集)
飛：師父，啲板裝响天台，我哋落嚟有乜好睇呀？
師：你諗住做無線電呀？睇咗啲板嘅位，都要諗點駁去電網，先可以賣電㗎！…
飛：我知，除咗裝板，仲要裝逆變器、開關掣、隔離變壓器、仲有電錶箱嘛。
師：知你仲問！
飛：但係我哋嚟地下個電掣房做乜呀？
師：做乜？𠵱家淨係你識裝太陽能呀！我落嚟係要睇兩樣嘢，除咗睇下有冇行家响其他地方裝咗板，仲要睇下個掣頭夠唔夠rating，因為新加嘅系統會令故障水平 fault level 提高，所以就算有位，都唔可以無限量咁裝㗎！
飛：故障水平我有讀過呀～但係點知有冇行家裝咗板呀？
師：如果裝咗板，電掣房張電圖會畫出嚟，而且仲有個 label 貼响個掣頭，望清楚就知道啦！
飛：我明白喇！多謝師傅
🙇🏽♂️
【想裝板賺錢💰💵💰點搞❓🤷🏿♂️❓】點嘅天台先至啱(上集)
機會嚟喇飛雲～～
飛：師父，呢個天台啱曬…………龍…神…
師：龍您個頭呀
🤜🏼
😵
🤛🏼
師：你睇，個天台咁多嘢，又枱又櫈又冷氣，仲有圍場，點裝板呀？
🤬
飛：咁點算呀
😱
師：同我攞個羅庚出嚟！
飛：師父，羅庚…………但我哋唔係嚟睇風水喎
😦
師：裝板，同睇風水一樣，先要分好東南西北
😎只要東南西冇遮冇擋，咁就冇問題喇
👍🏼
飛：我明白喇…………師父，呢邊有嘢遮擋喎，係咪收得工喇
😀
師：👍🏼
飛：好嘢！收工！
師：收你條命呀
👺咪阻住我，你估我做個👍🏼係讚你醒呀！我响度度緊位！
師：只要啲遮擋物唔畀我👍🏼遮住，咁都可以有足夠陽光，可以裝板。
飛：但係人哋啲專家要用部360相機又用PROGRAM先計到，師父你用手就得
🙀
師：你老豆生你對手淨係用嚟打機㗎！伸直隻手畀個👍🏼，手指尾同拇指指尖正好15º，即係太陽一個鐘移動嘅距離，只要多練習，根本連👍🏼都唔洗，我正話都係做畀你睇咋！
飛：
🤩巧健呀…………咁睇完係咪走得喇？
師：走你條命呀！
😡跟我嚟，仲未睇完呀，𠵱家只係睇咗夠唔夠陽光發電，仲有好多嘢未睇㗎！
飛：……………………
😞係，師父